İndi içəridə oturmusan. Yəqin ki Əbülfəzlə də görüşmüsən. Oxumasan da deyim, salamlarımı çatdır. Yanınızda olmağı çox istərdim. İndi oranın söhbətlərinə doymaq olmaz. 10 gün sənsiz yaman darıxacam. Elə hiss edirəmki, elə bil bu məktubu sevgilimə yazıram. İnsan həmişə yaxınını yanında olmayanda qiymətləndirə bilir. Hər halda 10 gün məncə sevindirici müddətdir. Mən diktatordan və onun itlərindən həmişə maksimum gözləyirəm. Etiraf edirəm ki, buna da şükr etdim.
Dünyada ən möhkəm dostluq mübarizə dostluğudur. Mən çox xoşbəxtəm ki, bu gün sən varsan, bizimlə birgə mübarizə aparan insanlar var. Onların hər biri bizim dostumuzdur. Bu dostluqlar əbədidir.
Bu gün biz - sən, mən, dostlarımız sübut etdik ki, biz zülmün hökm sürdüyü, ədalətin axtarıldığı hər yerdə olmağı bacarırıq.
Hasta la victoria siempre! Rövşəndən muğayat ol. İqtisadiyyatı güclü olan dövlət hər şeyə qadirdir. (H.Ə.)
No comments:
Post a Comment